Attilla 28 le Charlotte Szakacs 21 nih December 2016 ah fanu te an ngei. A min ah Evlyn an ti i, a chuah ah hin a thluak tlamtlin lo cia in a chuak, a thawchuah zong a tha lo. A pum chungah dam lonak a um tuk tikah amah tein a thawhchuah kho ding hmanh a si lo.
A nun harsat ngai buin Wetherby, West Yorkshire i Martin House Hospice sizung ah an um pi. A hnar in thli an dawpter i, cuticun harsa ngaiin sizung ah zarh li chung a um. Sizung an um chung January 10 ah a nu tang cungah a nunnak a cat. A nu nih a siang lo tuk i, a celh lo tuk.
A nu nih a chimmi cu 'a hnar i thli dawpnak an lakpiak minute tlawmpal cun a cat colh. A derthawm tuk cang. A thaw zong voikhat hmanh a chuah lo. Ka tang cungah kaa pom i, a kan thih tak. A pa nih a kan kuh i, kan mit hmuh hngan te ah a kan liam tak thluahmah' tiah a nu nih a chim.
An fanu te nih a thih tak hna hnu zong ah sizung ah ni 12 chung an fanu ruak an um pi. An fanu ruak cu ruak chiahnak ah an chiahpiak hna i, a nu le a pa nih ni 12 chung an um pi rih. Cu lawng hmanh si loin an inn zong ah an fanu ruak an i tin pi i, ni li chung an i um pi. Doctor nih an sianh ko hna. January 10 ah a thi i, 26 ah a ruak an vui.
A nu Charlotte nih a chimmi cu 'sizung kan um chung zong ah a ihnak kan cawkpiakmi chungah a ruak kan chiah i minute 5 in 10 karlak tbk cu sizung leng zong ah kan chuah pi i, kan tlawnlen pi ko. Kan siang lo tuk. Sizung ah dum an sermi chung tiang ah kan a ihnak te ah cun kan ihter i kan nam i kan vah pi ko a ti.
A chim thanmi cu 'kan inn zong tin pi a kan sianh i, nili chung kan inn ah kan i um pi. A donghnak zan lengbang hna ahcun a ihnak kan serpiak cungah kan ihter' a ti. Vuai tein a fanu Evlyn ruak an i um pi hnu le an tlawmlen pi hnuah January 26 ah a ruak an vui. A nu nih a chimmi cu 'ka fanu ruak kan vui cun ka lawng dih cikcek bantukin kaa ruat' a ti. A celh lo tuk.
A chim thanmi cu 'a ruak kan vui ni cu a har tuk hringhran. A ka kal tak lai taktak ahcun a har tuk hringhran. Kan nganfahnak a fak tuk ko nain hmun nuam ah Evlyn a um cang timi ka theih. Ka sinah um seh ti ka duh ko. Ka sinah um seh law zeitluk in dah kaa lawmh hnga, asinain atu cun harsatnak a ing ti lo. A harsatnak in a luat cang' a ti. Ref: The sun.
Melania Trump Nih Zeizat Dih In Dah A Hmai Aa Thlen/remh?
----------------------------