President Trump hi uar a um ching lengmang. Pathian a duh taktak timi hi a biachim le a riantuannak nih a langhter ko cang. Pathian nih a kilven hrimhrim lai timi hi fiang tein theih khawh a si cang. Pathian a duhmi cu Pathian nih a deuh bal hna lo. Pathian nih a hmaiah a kalpiak i, teinak le hlawhtlinnak a pek lengmang hna.
Tutan National Prayer Breakfast ah bia a chimmi cu an tha kho tuk. 'Pathian kan ngeih chung paoh cu duty cong ralkap kan siah zan riantuan kan siah kanmah lawng in kan um hrimhrim lai lo. Pathian nih daihnak, thawnnak le hngangamnak a kan pek ko lai' a ti. Aa dawh tukmi biafang an si.
A chim thanmi cu 'Pathian kan i tlaih peng hna lai. Pathian duh ning tein rian kan tuan khawhnak ding ah Washington in thlacamnak in Pathian duhnak kan hal lengmang lai' a ti. A biafang hmanmi hi an i dawh kho tuk. New York mirum taktak pakhat zong a si. Rumnak hi a thei i, nuamhnak zong a thei taktakmi a si. Asinain rumnak le thlarau thil fiang tein a thleidan khawh i, a thleidan thiam fawn.
President Trump nih a chimmi cu 'kan ramchung kip ah fiang tein kan hmuh ko nain kan philh lengmangmi cu minung kan nunnak hi chawva nih a sumh a tah hrimhrim lo timi hi a si. Minung kan nunnak a dawhter i, a nuamhter i, sumh a tahtu cu kan thlarau nunnak a si' tiah Trump nih a chim. Mirum ngai zong nun sifak in an um i, chawva ngei lo chungkhar zong Pathian a duhmi hna cu nun nuam in an um ko tiah a ti.
President Trump nih a chim thanmi cu 'ka chimh hna lai, kan nunnak quality hi chawva nih lai a rel lo. Cheukhat cu chawva ti ahcun an hlawh a tling i hawi zong tam tuk an ngei, asinain an nunnak ahcun sifahnak a um. Cucaah minung kan nunnak hi kan chawva nih lai a rel lo; Pathian kan zumhnak le kan thlarau tu nih lai a rel deuh' a ti.
President Trump hi nunnak sullam a fiang cang tiah ruah khawh a si. Nunnak sullam aa fiang cangmi hna hi hrinthannak a ngei cangmi zong an si. Hrinthannak kan ngeih tikah ngeih sawhsawh lawng si loin fianternak a rat pi chih lengmang. President Trump nunnak ah fiang tein hmuh khawh than a si. Ref: TCP.
Zeitluk In Dah President Trump Nih Pathian Aa Bochan? Rel Ve!
---------------------------------
-----------------------------------