February 2, 2017 ah President Trump cu National Prayer Breakfast (NPB) ah a kal i Khrihfami hna sinah thazaang a hmuhnak le aa lawmhnak a chim. A chimmi cu 'America pumpi ka tlawnnak kip ah American mipi tampi ka ton hna i, an biachimmi nih thazaang tam tuk dong loin an ka pek' tiah a chim.
'Ramchung ka tlawn kip ah ka theih zungzalmi a biapi tukmi biafang panga a ummi nih ka nunnak a ka tongh lengmang. Cucu thla kan in campiak ko ti hi a si. Atu le atu in an ka chimh lengmang. Mr. President thla kan in campiak (I am praying for your, Mr. President) ko tiah an ka ti lengmang. Ka thazaang taktak a si' tiah President Trump nih a chim. '
National Prayer Breakfast ah a chimmi cu 'America kan hlawhtlin khawhnak ding le kan sersiam than khawhnak ding ahcun, Pathian kan herh i, biaknak zalonnak hi feh tein kan runven a hau' a ti. President Trump nih a biapi tukmi tuah a timh thanmi cu Johnson Amendment kong hi a si. Ka hrawh than lai a ti. Johnson Amendment nih Pastor te cu Pulpit cungin political issue kong chim hna hlah seh tiah a kham.
Pulpit cungin political issue kong an chim tuk ahcun tax an pek ve lai ti a si. Asinain President Trump nih cun Johnson Amendment hi ka hrawh lai i, zalong tein Pastor zong nih political kong hi chim hna seh a ti. Cun Muslim a khamhnak kong fianternak a tuah than.
'Ka zalonnak le kan biaknak zalonnak hi duhdim tein kan hman chung poah cu America a thangcho lai. Pathian ah kan zumhnak kan chiah chung le pakhat le pakhat karlak ah kan i zumh chung paoh cu kan hlawhtling lai. Pathian kan zumhnak nih American mipi thazaang a kan pek lai i, herhbau hna caah zawnruahnak a kan ngeihter lai. Mi kip caah kutsamh duhnak a kan pek lai' tiah President Trump nih a chim.
'Pathian kan ngeih chung poah cu duty a congmi ralkap kan siah zan riantuan kan siah kanmah lawng kan um lai lo. Pathian nih a zungzal in daihnak, hnangamnak le thawnnak a kan pek lai. Pathian duh ning tein a rian kan tuan khawhnak ding ah Pathian hi kan duhmi dong loin kan hal hna lai. Hihi thlah lo tein kan i tlaih peng hna lai' a ti
'Tu chun ah American mipi nan cungah kaa lawm tuk. Nan zumhnak le nan thlacamnak nih dong loin thazaang a ka pek i, ka rian a har tuk caan le ka lung a dongh tuk caan zong ah fek tein a ka umter kho tu cu nan thlacamnak a si' tiah American mipi sinah a lunglawmhnak zong a chim chih. Ref: TCP.
President Obama Nih Trump Le Putin Tihnung Lente A Celhter Cang Hna
----------------------------------
------------------------------
------------------------------------