Resa Woodward, 38 cu Dallas khua pakhat i Young Women’s STEAM Academy ah sayamah rian a tuanmi a si. Asinain lenglei minung nih a luan cia Resa tuanbia an theih tikah cunglei saya te hna sinah hi bantuk minung sinah kan fale cacawnter kan duh na lo tiah an report.
Resa Woodward tuanbia an zoh i an hlat tikah a luan cia kum 16 hrawng khan a piaka film aa zeih balmi an rak si. Robyn Foster timi min 2001 le 2004 ah voihleiruk a piaka film a rak i zeih. Local school officials Robyn Harris nih New York Post ah a chimmi cu 'sayamah rian in kan dinhter cang. A dangdang kong cu kan chim ti lai lo' a ti.
Science a cawnpiaktu a si i, a tuanbia le konglam an theih tikah November 29 ah a rian an phuah. Woodward nih a chimmi cu a piakaa film ka rak i zeihmi cu keimah duhthim in ka tuahmi a si lo. Ka umnak pa nih a rak ka tuahtermi a si. Tangka a rak ngeih ti lo caah hi tiang kan rak phanhnak a si a ti.
Asinain a piaka film zeih hi ka chuah tak than i sianginn ka dih i, atu hi sayamah ka tuannak a si a ti. Texas Education Agency ah nawlnak ca a tial than. TEA biachimtu Deetta Culbertson nih a chimmi cu Woodward catial ning a hman lo caah TEA nih a biangaihnak caan kan ser ti lo tiah a chim.
A chim thanmi cu 'saya/sayamah nih nuncan ziaza phung fek tein an ngeih awk a si. Mah nih midang cawnpiak khotu dirhmun ah a umter hna lai. Cu bantuk nuncan ziaza an ngeih lo ahcun an rian dinhter kha a hau ko' a ti. Texas State Teachers Association biachimtu Clay Robinson nih a chim thanmi cu 'saya pakhat a tuahmi nih a sining a thlak tuk. Aa zuam than len zong ah a man a fak tuk cang' a ti. Ref: Dallas News.
Iran Missile Hneksaknak Nih Trump Cozah Thin A Hunter Ngai
---------------------------------------------------------