President Trump nih Micheal Flynn cu National Security Adviser caah a thim i, ni 24 hrawng a tuan hnuah a cawlcangh aa dawh lo caah a rian in an dinhter than. Nikhatni ah President Trump nih National Security Adviser caah Gen HR McMaster a thim cang.
General HR McMaster hi Iraq le Afghansitan zong ah caan sau pi a um i, ralkap rian a tuan cangmi a si. Theihhngalhnak le hmuhtonmi tampi a ngei cang. Tuan deuh ah Trump nih Robert Harward a thim nain a pumpak lei tlamtlin lo ruangah ka si kho lai lo a ti.
Gen HR McMaster hi a hodah a si?
Herbert Raymond McMaster hi President Trump nih a thangthat ngaimi a si. 'Ralkap ah an upat taktakmi bochan awktlak pasal tha a si. Hmuhtonmi le thil ti khawhnak zong tampi a ngeimi a si' tiah Trump nih a chim. Raltuknak le cawlcanghnak kongah khuakhan thiam ngaingai zong a si.
Russia he pehtlaihnak a ngei lomi a si. Naite ah Russia hi zeitin dah kan doh khawh ning a si lai tiah hlathlaiter ding in tuanvo an pekmi zong a si tiah chunglei kong thei nih an chim. Time Magazine nih 2014 chungah thil a ti kho cemmi minung 100 an thimmi hna chungah aa telmi a si.
'Dereliction of Duty' cauk a chuahmi ah Vietnam raltuknak ah US a rak i thlaknak a soisel len. North Carolina University ah US History kongah PhD a lak.
'Ka ram caah riantuan kho ding in caan tha ka hmuh than caah kaa lawm tuk. Kan ram caah rian kan tuan hna lai. National Securty team he riantuan ti ding in kaa ngaih tuk cang' tiah a rian kongah lunglawmhnak a chim.
An riantuan dingmi hna cu:
National Security le foreign policy kongah President Trump ruahnak petu an si lai. An riantuanmi hi a puitling taktakmi rian a si. US President nih aa bochan taktakmi zong an si. National Security Council zong ah an kai kho lai i, cozah department dangdang karlak daihnak sersiamtu zong an si lai. Ref: BBC.
Trump Nih Fawi Tein ISIS A Hloh Dih Khawh Hna Lai: Top Adviser
---------------------------------