Florida, Melbourn ah President Trump le First Lady Melania Trump an leng i, minung a thongthong nih an rak don hna. Melania Trump nih Bawipa Thlacamnak a relpiak hna. Billy Graham fanu Lotz cu a lung a rak tling tuk i, lunglawmhnak zong a chim.
''Raltha le upatnak he Bawipa Thlacamnak na relmi cungah Pathian ka thangthat. Na thil ti a tha tuk' tiah Evangelist Anne Graham Lotz nih a facebook ah a tial.
A peh thanmi cu 'Melania Trump, tu zan na thlacammi cungah kaa lawm tuk. Na caah thla kan campiakmi cu Number 6:24-26 hi a si. 'Bawipa nih thluachuahnak in pe hna in, in zohkhenh ko hna seh; Bawipa nih nan cungah a hmai tlanter seh law, vel in ngeih ko hna seh; Bawipa nih mithmai ṭha in pe hna seh law, daihnak in pe ko hna seh' a ti.
Melania Trump nih Florida mipi hmaiah a chimmi cu 'American vialte caah duhsaknak kan ngei. Zeitluk in a kan dohtu nih a kan doh i a kan soisel hmanh ah American mipi caah zumh awktlak in kan um peng ko lai. Keimah le keimah zong ka hleng bal lai lo. Ka pasal zong kan ram himnak le thanchonnak caah aa zuam lengmang lai' a ti.
Texas i Prestonwood Baptist Church Pastor Jack Graham nih a chimmi cu 'nihin tiangah hi bantukin Bawipa Thlacamnak a relmi ka hmuh bal rih hna lo. Melania, na zumhnak na phuannak le na thlacamnak cungah kaa lawm tuk' tiah a lunglawmhnak a tial ve. Ref: TCP.
US National Security Adviser Caah Trump Nih McMaster A Thim: Ahodah A Si?
-------------------------------
--------------------------------------