A tanglei hi hlaphuahtu Van Biak Lian nih 'Vanram Hluan" timi hla kongah Rawn Chin Facebook group ah fianternak a tuahmi a si. A tial ning tein kan langhter. Kan remhmi le kan thlenmi a um lo.
"Hi hla chung ah hmanmi vanram cu (heaven) ti khi si loin (paradise) khi a sawh duhmi a si.
Paradise ah cun nuamhnak le lawmhnak a tling nain a chambau lo ti khawh si lo. Adam lawng a um lio ah, Adam ca ah a chambaumi cu Eve a si. Cu ruang ah Eve zong cu Parhian a rak ser.
A pahnihnak ah vanram cu a chambau kho lo na ti nain, Ave le Adam umnak hmun in sualnak a chuak. Sualnak a chuah khawhnak hmun cu a chambau lo na ti khp hnga maw? Chim duhmi cu (perspective) dang dang in thil hi zoh khawh a si. Hi ruang ah hin " nang locun vanram hman khi a chambau ko (lai)," ti loin, "A chambau ko (hnga)," tiah ka ttial.
Vawlei cung ah khrihfa lawng kan um lo. Muslim, budish tbk biak tampi an um i viewpoint aa dang dih. An zumhnak a hman lo kan ti bantuk in, a kan ti ve. Cu caah, kan mah zumhnak lawng fek tthup in i tlai awk a si lo.
Hi ka hla ttialmi nih na zumhnak a hnursuan sual si cun pumpak in ngaihthiam kan nawl. Nain, hi hla ngaih le ngaih lo cu nangmah nawl si ko. Aho hmanh nih kan in hne lai lo." KAHIN HMET CHIH.