U.S. Vice President Mike Pence nih ngaini ah a chimmi cu 'a zei ti hmanh in Pi Clinton e-mail hman le ka e-mail
hman kan tahchun hlah u' a ti. Nai hrawnghrang cu Vice President Mike Pence zong a -email kongah a buai ngai. Indiana uktu (Governor) a tuan lioah cozah kongah a e-mail a hman ti a si.
hman kan tahchun hlah u' a ti. Nai hrawnghrang cu Vice President Mike Pence zong a -email kongah a buai ngai. Indiana uktu (Governor) a tuan lioah cozah kongah a e-mail a hman ti a si.
Pence nih a chimmi cu 'Clinton kong le keimah kong aa dang. Clinton cu cozah thlithup (Classified Information) kongah ningcang loin a pumpak e-mail a hman i, a hnuah Congress nih a e-mail an hal tikah a e-maul a hrawh, cun cozah thlithup kong a pumpak e-mail a hmannak an vun theih tikah thlithup information tam tuk a hrawh' a ti.
The Indianapolic Star nih a report mi cu 'Mr. Vice President Pence nih Homeland Security kong le a dangdang kongah a pumpak e-mail a hman' tiah a tial. Ni kum zong ah Pence e-mail hmang in mi hrokhrol nih ca a rak tial i, Philippine ah ka tang i, tangka ka herh' tiah Pence theihhngalh minung sinah ca a rak kuat hna.
Vice President bawmtu nih an chimmi cu 'Mr Pence le Clinton kong cu aa dang tukmi a si. Indiana ahcun mipi sinah riantuantu official nih an pumpak e-mail hman chih khawh a si ko. Uktu a tuan lioah (Cozah thlithup information) classified information hrimhrim zong a tawn lo an ti. Indiana uktu rian a chiah lai ah a e-mail vialte cu Indiana state sinah a pek dih cang hna tiah an chim chih.
Pence zong nih a chimmi cu 'ka e-mail hmannak kongah Indiana upadi he kalh in rian kan tuannak pakhat hmanh a um lo. Vice President ka tuan hnu zong ah ka tuah tawn bantukin ka tuah lengmang ko lai' a ti. Mrs. Clinton cu a pumpak e-mail hman thiam lonak nih a thlak cikcek. Ref: VOA News.
President Trump Cung Rev. Franklin Graham A Lungtling Tuk
------------------------
Rili Kam Ah Ngaknu Dang He Orlando Cu Caan An Hmang
---------------------------