Nizan UK i Westminster hlei cungah misual pakhat nih motor in lam ah a kalmi hna a pah hna hnuah Parliament pawng ah police pakhat namte in a sawh than. Minung panga an thi i, tam ngai hliamh hma an ing hna. Operation hau tiang in an um len hna.
Social media kip ah ISIS nih conglawmhnak puai an rak tuah. Mosul ah nan kan kahmi kan in lehrulmi hna a si tiah ISIS nih an rak chim. 'Thisen caah thisen' an ti rih. A chim thanmi cu 'nan ram ah kan raldohnak kan thok dengmang cang. Kan thok rih lo. Kan hngah lio a si' an ti.
Motor in mipi pah hi an hman chin lengmagn cang. Paris zong ah motor nganpi in mipi an rak pah cang hna. Minung tam ngai an rak thi. Israel zong ah minung pakhat nih mipi a rak pah hna i, an rak kah colh. Nizan Wesminster hlei cung pahnak zong a hlanah an rak tuah cangmi he aa khat.
Uk i Westminster hlei cung pahnak cu tih a nung kho. A zeimaw cu hlei cung in an i hlonh i ti chungah a tlami zong an um an ti. Cheukhat cu an i hlonh i lam cungah an va tla i motor nih a rial chap rih hna an ti. Cheukhat cu a pah ning an fah hna caah a lu a kuai colh tbk le an thi colh tbk an si hna.
Cheukhat cu an i khawn ning an fah tuk hna caah operation tuah cuahmah liomi zong an um hna. Aa khawngmi an tam tikah lam cungah kip ah thisen an um len hna. Zoh ah hin thla an duk ngai. ISIS leiin minung pakhat nih video in a rak chimmi cu 'nan ram ah thinphannak le launak nan tep chin lengmang cang lai' a ti. Ref: The sun.