American Airline (AA) chungah buainak pakhat a chuak than. AA nih an hlathlai cuahmah lio a si. AA aa citmi Argentina nu Olovia Morgan le a fale pahnih le AA ah riantuanmi pakhat an buai. Minung pakhat nih video a rak thlak hna i social media ah a thlah i mi kip nih an rak hmuh dih.
San Francisco in Dallas leiah zuan an i timh a si i, vanlawng chungah nam khawhmi nau thutnak (stroller) luh pi aa tim. A nau te aa cawi pah i thutnak ah pakhat a thutter. Vanlawng chung riantuan pakhat nih luhter sianh hna lo. An buai lengmang cang i, mipi mit an kem tuk cang i minung pakhat a tho i a thlangtlak hna.
Hey, hey , hey, keimah rak ka ti, teng lak in kan thongh lai' tiah a hro. Anmah tu cu an i vel dengmang. An tlaih hna. Minung pakhat nih a tialmi cu 'AA ah riantuantu he an i si i, a bengh i a nau te a khen dengmang' a ti.
A tial thanmi cu 'minu le a fale cu an hruai hna i an chuah pi. American Airline riantuantu hna cu an rak lut than a ti. Harnak tongmi Olivia Morgan nih a chimmi cu ka fa thutnak caah kaa kenmi nau thutnak (stroller) a ka chuh. Nau thutnak a ka chuh i, ka timi cu 'zeidah na tuah. Ka fa na khawn dengmang cu a ti' tiah a chim.
American Airline nih ngaihthiam halnak ca an chuah cang. iantuantu zong a rian in chuah a si cang tiah an thanh. Kan vanlawng ah hi bantuk thil umter hi kan duhmi le kan phung zong a si lo. A thatnak bik in kan tawlrelpiak cang hna' an ti.
Kan hnu zarh leiah khan United Airline nih an hawileng pakhat Dr David Duo an rak chuah cang. Fak tuk in buainak an rak tong i, mipi tiang in an thin a rak hung. An sipuaizing tiang in a rak tla phah dih. Atu hi American Airline ah a cang ve cang. Ref: CNN News.