Big Show le Braun Stroman an i phomh cang ahcun tih zong an nung pah i, an ropui kho taktak. Tutan an i phomh i ring cim lakin an vun i den hi cu an mak kho taktak. An tung zong an sang veve i, an pumrua zong an ngan veve.
Stroman hi 'mikei' (monster) tiah an auh i, Big Show hi 'vawleicung wrestler nganbik' tiah an auhmi a si. Zahan zarh ah fak tuk in Stroman nih Roman Reigns a phomh cang. Fak ngaiin Roman zong a hliamh. Big Show nih lehrul ka cham tiin a si khawh chungin a phomh ve.
A tei ngai nain a donghnak taktak cun Stroman nih a tei than. Big Show nih a tei rua lai kan ti lioah Big Show cu ring cungah a vun kai i, ka nanh lai tiah aa timh cuahmah lioah Stroman nih a rak tlik hnawn manh i a vun cawi i, tuang ah a vun den cu ring zong an cim dih cikcek.
Refree pa zong tangah a va hlonh i a cei ngai. Big Show cu a tho kho ti lo. Braun Stroman hi khuaruahhar a rak si hrimhrim ko. A thawng i intuar khawhnak thazaang zong a ngei. An tei cang lai vun ti lioah zei po lo ngaiin vun thawh i phomh than a hmang tawnmi a si. Video zoh ve!