Tu chan ahcun tihnunnak hi a tam cang i nu le pa aa du ko timi zong kha fawi tein taza an i cuai cang. Tuan deuh ah ngaknu le a tlangval an um i, sex an tuah. Pa nih condom aa hruk chih i, an tuah cuahmah lioah a condom aa phoih i cuticun condom loin a lim pi.
A ngaknu nih a hnuah a theih i zeiruangah dah kan tuah lioah condom na hmanmi na phoih tiah taza a cuai i, biaceihnak zung ah khuaci an mui. Atu chan ahcun hi bantuk tiang in ralrin lo cun thong ah fawi tein tlak khawh a si cang. Yale Law School Expert pakhat Alexandra Brodsky nih a tanglei bantukin hitihin a chim:
'Stealthing' timi hi 'theih cio kan hau' a ti. Nu le pa sex an tuah tikah nu theih loin pa nih aa lim hlanah a condom a phoih i condom loin a dih tiang a tuah ahcun thongthlak khawh a si a ti. Tuan lioah condom phoih hi 'hnatlak pinak chungin hnatlak pi lonak chungah a kal pi' a si a ti.
Cu bantuk thil tuah cu 'sualnak tuah hnawh he aa khat' tiah a chim chih. 'Hnatlaknak tel loin naupawinak zong a chuahter i zawtnak zong a chuahter khawh. Cu bantuk cu minung pakhat cungah sualnak tuah le a human rights buarpiak bantuk a si' a ti.
Sweden ah an ton bal cang fawn. A ngaknu he an tuah cuahmah lioah a condom aa phoih duak i a lim tiang condom loin a tuah. A hnuah a ngaknu nih a theih i a ka tlaihhrem tiah taza a cuai i cawiliam le thongtlak nih a kiah. Cucaah condom hmann kongah ralrin lo cun thongthlaknak ton khawh a si a ti. Ref: The sun.