Ningani ah Inn Raang First Lady thing Michelle Obama nih President Trump cozah biachahnak kongah a lungtlin lonak fak ngaiin a chim. American sianginn kip nih chuncaw an eimi rawl ah 'nutrition' (vitamin) kan chap lai an timi kongah Mrs. Obama nih a vun den colh hna.
'Nan ruah than ngai a hau, zeiruangah dah kan fale sianginn kainak rawl thami nan duh lo? Nan zeidah a ti?" tiah annual summit of the Partnership for a Healthier America ah a chim. Sianghngakchia thau a dohtu bu an si. US sianginn kai hngakchia hi a thaumi an tam tuk tikah an buai ngai.
An doh ngaimi zong a si. Trump cozah nih sianginn chuncaw ah pek chap dingmi an vun thanh in cheukhat cu an thinhung i an doh colh. Kan fale an thau tuk cangmi kongah kan lungre a thei i kan doh lioah zeiruangah dah hi tluk in nutrition (vitmin) thatha cu chap an timh an ti.
Mrs. Obama nih cun 'sianginn chuncaw kong tiangah zeiruangah dah politics cu kan telh lai tiah fak ngaiin a zai. Agriculture Secretary Sonny Perdue nih sianginn rawl chap ding in minthutnak a tuah a zarh khatnak ah a vun phomh hna hi a si.
Obama chan ah khan sianghngakchia thau hi an rak doh ngai. "Kan fale chuncaw kong tiang ah politcs kan telh awk a si lo. Hi kong cu fak piin ka doh lai. Nucan pakhat dirhmun in kan fale zawn cu kan ruah ding a si' tiah a chim. Ref: CNN News.