US i Portland tlanglawng station ah minung pakhat nih Muslim nu pawl cu tlanglawng chungin a thawl hna. Ningani zan ah a si i, Muslim nu pahnih an i cit ve i, minung pakhat nih a zoh hna tikah a rem hna lo.
Nu pakhat cu Muslim phung bantukin a lu aa khuh. Mi pa nih cun 'lengah chuak u. Muslim kan rem hna lo. Tax zong nan pe hna lo' tiah bia fakfak in a ti hna. Muslim huatnak phun kip in bia a chim. A au in a au hnawh hna. Pawngkam ummi nih an celh ti lo i, an cak.
Minung pathum nih an timi cu 'anmah um tein a ummi cu zeiruangah dah na tuaitam lengmang hna' an ti i, an vun mawhchiat. Mi pa nih cun Muslim nu a rungvengtu hna cu namte in a sawh colh hna. Minung pakhat cu a thi colh. Minung pakhat cu sizung ah a thi.
A pathumnak tu cu fak ngaiin aa hliam lo an ti. Bawmtu an rat ahcun an hrawm in a ah cang hna. Police nih an tlaih i an hren cang. Kum 20 in 40 karlak minung a si. Ref: The sun.