North Korea cungah US bom thla Rockwell B1-B tiah an auhmi raltuknak vanlawng a zuang cang. North Korea kah ding in US zong eksaisai (exercise) a tuah chin lengmang cang tiah cheukhat nih cun an chim.
A bom thlatu vanlawng lawng hmanh si ti loin a raltuknak tilawng zong Korea rili ah a phon thup ko rih hna. US nih a zoh ko rih. North Korea nih a chim bantukin a nuclear a hneksak taktak ahcun fak ngaiin a phomh cang lai timi a fiang.
North Korea nih cun 'kan nuclear vainam timh cia a si cang. US nih a ngamh ahcun kan kap seh kan phomh colh lai tiah a bia a linsa lengmang rih. Atu zong nuclear ka hneksak rih lai a timi hi a hneksak taktak ahcun North Korea caah cun a donghnak a si kho cangmi a si.
US bom thlatu vanlawng hi nuclear 24 a phur khomi a si. Guam in a rak zuang i North Korea cung leiah a rak phan. An raltuknak tlawng hmun ah an rak ra. South Korea lei zong in an chimmi cu 'nikhatni ah North Korea cung in US bomtlatu vanlawng a rak zuang' an ti.
North Korea nih 'a herh ahcun US raltuknak tilawng kan thlak dih lai' an ti. Hmanthlak le video deu an chuah than i US raltuknak tilawng vialte kan hrawh dih lai tiah timh cia in an umnak hmunthlak le video an rak chuahter.
President Trump leiin thawngpang tha a ra: 'Kim ton ka duh ngai ko' tiah an linhsat tuk lioah President Trump nih a chim. Ref: The sun.