North Korea kan hrocer a tinak ah US hi Russia he ral an tho men te lai. Russia upadi sertu pawl an thinhung tuk cang. Pacific nichuah rili vialte tlaih dih a timh cang tiah an thinhunnak fak piin an lanhter. Pacific rili hrawng i US cawlcangh hi 'ral kan tho tiah thanh bantuk a si cang' an ti.
Nizan ah US Congress nih North Korea dantatnak thar an tuah than. Korean rili hrawnghrang ah North Korea tilawng kan kham cang lai ti a si. House cu an hnatla cang i Senate ah a phan than lai, cun Trump nih min a thut te lai. Asinain Russia nih 'kan rili ah US tilawng kan luhter ti hna lai lo' an ti ve.
Pacific rili hrawng ah US nih a tilawng a thlah i kan tilawng cawlcanghnak rengh phun in a um ahcun 'huatnak cawlcangh a si tiah kan ruah lai. Cu bantuk cu ruah khawh dingmi a si lo. Ral kan tho tiin kan ruahpiak hna lai' tiah Andrey Krasov nih a chim.
International relations committee hruaitu Krasov nih a chim thanmi cu 'Upadi thar an ser bantukin North Korea tilawng an rak lut maw lut lo tiin kan tilawng kip hlathlai lengmang ding cu a si kho lo. An hlat chih dingmi ah kan tilawng hmun Vanino, Nakhodka leVladivostok zong an i tel a ti.
A chim thanmi cu 'vawleicung hi an upadi chungah telh dih an timh cang. Russia zong sualnak tuah hmang bantukin lunghrinh he aa khat cang. Russia cungah US cawlcangh hi aa dawh lo caah kan rili ah US tilawng kan luhter ti hna lai lo' tiah Deputy Head of Committee Andrey Krasov nih a chim. Ref: The Sun.