North Korea hrocernak hi zungzal in ka donghter cang lai tiah President Trump nih dongnak bia a chim cang. South Korea he an i ceih dih hnuah hnatlaknak an tuah khawhmi cu Norht Korea buainak hi lam pali in kan donghter cang lai a ti.
US aiawhtu Joseph Yun nih a tangleii lam pali hi a phuanmi an si:
Pakhatnak ah Trump cozah nih North Korea hi nuclear ram ah kan cohlang lai lo.
Pahnihnak ah a si khawh chung in dan zong kan tat lai i kan rengh lai.
Pathumnak ah North Korea cozah thlen kan tim lai lo.
A donghnak ah a donghnak lawng ah biaruahnak in kan thut pi lai a ti.
President Trump nih cun lam pali kan sermi nih North Korea nuclear program hi a donghter cang lai tiah kan zumh a ti. Asinain Trump cozah lam pali le North Korea lam hi a kal ti kho te lai maw timi ruah awk a um.
North Korea nih US hi Asia ah hmuh a duh ti lo. Japan le South Korea i US ralkap zong hi kir dih cang hna seh ti a duh. Asia ah US ralkap an um chung paoh cu ka him lo timi hi North Korea nih a theih lengmang.
Mah ruangah North Korea nih lamhla a kap khomi missile hneksak ding in timhnak ngei lengmang rih. A ram runvennak hi a biapi tuk ah a chiahnak lengmang a si. Ref: The Express.