Evangelist minthang Franklin Graham hi Pathian saltha pakhat zong a si bantukin pa raltha zong a si. Biaknak kong a siah ramkhel kongah a siah mit a au i khua a cuan lengmangmi a si. ISIS nih pehtlai in Britian an denmi hna nih um thiam loin a tuah cang.
A facebook ah a tialmi cu 'US inn sang pipi an hrawh hnuin Islamic cawnpiaknak a tihnun ning ka chim lengmang cang. Islam zultu cu lainawn an cawnpiak hna, zumhnak dang aa tlaihmi huat ding in an cawnpiak hna, social media hmang in miphun huatnak an au pi lengmang' a ti.
'A poi tukmi cu an cawnpiaknak nih mino an soilem hna i Islam pathian min in lai an nawnter hna. London zong ah nirukni ah kan hmuh than. Minung pasarih an thah hna i 48 leng an hliamh rih hna. Allah caah kan tuahmi a si an ti. Thla thum chungah voithum bakte an phomh cang hna' tiah a chim.
Islamic cawnpiaknak hi tihnung taktakmi a si tiah Muslim biaknak tungtlang taktak a simi Islamic cawnpiaknak tiang in a vun den cang hna. A peh thanmi cu:
Kan President ca a siah Congress ca a siah Senate ca a siah thlacampiak lengmang hna u sih law kan ram caah thil hmaan tuan lengmang ko hna seh. A tlai tuk hlanah US le Uk zong an i thangh khawhnak lai thla ka campiak lengmang hna' tiah Rev. Franklin Graham nih a chim. Ref: TCP.