Nai hrawng cu Shan ram ah Tlangcung hriamtlai bu le cozah ralkap kahdohnak a linsa chin lengmang. KIA, TNLA le MNDAA bawm in cozah ralkap an phomh hna. Zarhpini in atu tiang ah minung 9 an thi i, minung tampi hliamhma an ing tiah state media nih a report.
A thimi hi cozah ralkap maw an si Tlangcung hriamtlai bu dah an si timi a fiang lo. State Councellor Daw Suu nih Tlangcung hriamtlai bu hi a kal cuahmahmi kahdaihnak biaruahnak ah i tel dih ding in a fial hna. 'Ramchung daihnak le remnak kan ser cuahmah lioah hi bantuk thil um cu hnabeidong zong a si i, ngaihchia ngai zong a si' tiah a chim.
A chim thanmi cu 'Independence kan hmuhnak in atu tiang kahdohnak kan donghter khawh bal lomi hi lungthin kau pi kan i on khawh lo ruang le pakhat le pakhat duhnak kan i theihthiampiak lo ruangah political buainak hi zapi duhnak kan phisin khawh bal lonak a si' a ti.
Daw Suu nih a nolh thanmi cu Nationwide Ceasefire Agreement ah tel dih ding in Tlangcung hriamtlai bu vialte a auh than hna. Shan ram ah kahdohnak a rannak in kan donghter khawhnak hnga cozah daihnak sersiamnak (NCA) ah hriamtlai bu vialte tel dih ding in fak piin kan nawl hna a ti.
Cuticun February 2017 ah tuah dingmi 21st Century Panglong Conference ah kan i tel kho dih hna lai' tiah Daw Aung San Suu Kyi nih a chim. Ref: Mizzima.