North Korea dictator Kim Jong-un nupi First Lady Ri Sol-ju cu thla khua chung bak te a lang lo. Mipi le media cu khuaruahhar in a tuah hna. Puarthau Kim nih a thah caah a si lai a timi an um lioah nau a pawi caah a si timi an um.
Inn hrenh ah a chiah lai a timi zong an um. Asinain ruah lo piin a hung lang than. Mipi zong an thaw a chuak i, media zong an thaw a chuak than. Zeiruangah dah lang loin caan sau tuk a um timi an thei rih lo. Biachokvai a ummi cu a pa keneh zul ding in fapa a hring kho men an ti.
Local media nih an report ning ah cun Korean People Air Force and Defense (KPAF) training kainak ah a papsal pawngah lungtho ngaiin aa chawkvak ve ko an ti. Asinain zeiruangah dah lang loin caan sau tuk aa thuh timi an langhter rih lo. Lang loin a um chungah khan a chungkhar tiang in him dawh an si lo a timi an um.
Expert nih an zumh thanmi cu First Lady Ri hi Kim Jong-un farnu Kim Yo-jong he an i rem lo caah a si lai an ti. Kim Yo-jong hi nai hrawng cu a nawlngeihnak a thawng chin lengmang cang an ti.
North Korea hruaitu Kim Jong-un hrim zong hi a sual i, a lung a tong lomi paoh cu a choih hna i, a thlak thluahmah hna. A pa Jang Sung-taek zong neihniam tein a ummi a si nain a sual tiah a thah. 'Uico naak in zan a tlai lo deuhmi minung' a ti. Ref: The Sun.