Nai hrawngah muidawh Kim Kardashian le laam thiam Kanye West thawngpang nan theih pah lengmang lai. October 3 ah khan Paris ah Kim cu damiah nih an luh hnawh, naite thlah ah khan chungkhar then timhnak kong kan theih, cun a pasal dam lonak kong kan theih.
An tonmi tlangpar vialte an tan dih hnuah atu cu chungkhar hrim thannak caan kan ngei lai tiah timhnak an ngei. An laamnak in a siah an hlasaknak in a siah a dangdang rian vialte kal tak in a tangmi December thla chung cu a fale North le Sain tiin Holiday kan hmang lai an ti.
A chunglei thil a theimi nih a chimmi cu a tangmi kum 2016 chung cu kan i din cang lai tiah minthang nupa cu timhnak an ngei tiah a chim. Nup-va then an i timhnak, Paris ah fir an timhnak le Kanye dam lonak vialte hna cu an lonh dih cang. Chungkhar dinh caan a si cang an ti.
Nithumni ah khan a dam lonak in Kanye West zong sizung in a chuak cang. ' A thawng ngai cang, asinain caan zeimawzat cu aa dinh a hau' tiah chunglei minung nih an chim. Kim zong Paris i damiah nih an luh hnawh hnu cun a nun aa thum ngai cang a ti. Ref: Page Six.