Kan Thih Ah Thih Kan Nun Ah Nun Tiin N. Korea Ah Pathian Riantuan An I Tim

Taluk Khrihfami hna cu kan thih ah thih, kan nun ah nun tiin North Korea ah mission riantuan ding in kal an i tim.


North Korea hi Pathian riantuannak ah cun a tihnung cem ram pakhat ah aa telmi a si. Khrihfami biaknak zalonnak a um lonak ram zong a si. Asinain a thli tein kal ding in an i timh lio a si. 

Pastor te nih North Korea ah Pahian riantuan awk ah a kal dingmi hna cu traning an pek cuahmah lio hna a si. Atu lio North Korea hruaitu Kim Jong-un  uknak tangah cun Khrihfami hna caah zalonnak a um lo. Khrihfami hna cu an tlaih hna, an hrem hna, an thah hna i, a phunphun in Pathian riantuannak an khamh dih. 

Thong an thlak lomi le an thah lomi hna paoh cu North Korea riantuannak camp ah nunchung riantuan ding in an chiah hna.

North Korean mipi hrimhrim zong an tuar tuk. An mipi 70% cu rawltam in an um ti a si. Taluk tbk ah a zammi hna cu North Korea ah an kuat than hna i, cozah nih riantuannak camp ah a chiah hna. Cu tluk cun North Korean mipi zong an tuar. Cu lakah Pathian rian kan tuan hnawh hna lai timi cu a fawi lo chinchinmi a si. 

Atu hi Taluk Khrihfabu zong zeitin dah North Korea ah Pathian rian kan tuan khawh ning a si lai timi an ruat. Tih a thei lomi Khrihfa raltha pawl training an pek cuahmah hna i, Taluk le North Korea ramrin tan in Pathian riantuan awk ah kan thlah hna lai tiah training a pe cuahmahmi Pastor nih a chim. An ramri tan hmanh hi a tihnung tuk. Ramri congtu nih an kan kah sual lai ti zong an phang ngaingai.

A min chim lomi Pastor pakhat nih a chim thanmi cu 'atu hi North Korea ah Pathian riantuan ding in tih a hngal lomi Pathian riantuantu tha team kan ser cuahmah lio a si. A herh ahcun Pathian thawngtha ruangah thih aa timmi hna an si. Pathian riantuan cu kanmah ca zong a si lo; kanmah kong zong a si lo; Pathian Pennak caah a si' an ti. 

North Korean nih Pathian an theih i, an zumhnak ding a si ahcun kan nunnak zong kan pek ko lai an ti. A thongthong in riantuannak camp ah an chiah hna i, khuate tam tuk zong leng chuak kho lo le khualtlawng kho loin a kham hna. Khrihfami paoh nih cun North Korean mipi caah thla fak piin cam hi kan ruan cio a si. Ref: Christianity.