Minthang pa Brad Pitt cu lungrawk ngaiin ni le caan a hmang an ti. Ka fale christmas laksawng pek ka duh hna a timi zong lungkhen lo ngaiin caan an pek tiah theih a si. Christmas ni ah a fale he suimilam 4 chung lawng caan hmannak Jolie nih a onh an ti.
Angelina Jolie nih a chimmi cu 'a fale Christmas laksawng pek a duh hna ahcun zingka ah ra seh law tuan te ah tin than te seh' tiah Jolie nih a ti. A chunglei kong a theimi nih a chimmi cu 'Christmas ni ah a fale hmuh a duhmi hna cu Jolie nih a al kho lai lo' a ti. A chim thanmi cu 'Jolie nih a fale hmuhter le laksawng pek a sianh lo ahcun a fale zong nih Jolie an ngaithiam kho lai lo' a ti.
Nai hrawng cu a fale kongah a lungrawk ngai i, a mithmai zong a panh kho lo an ti. Asinain 'titer a thiam ngai i a fale hmaiah cun panh ngaiin aa umter thiam te ko lai, cun lunglawm tein laksawng zong a pek te ko hna lai' a ti.
Atu hi California khua pakhat Malibu i rili pawng ah £9.4 million in an hlanmi inn ah Jolie 41 cu a fale Maddoz 15, Pax 13, Zahara 11, Shiloh 10, faphir Knox le Vivienne 10 he an um. Brad Pitt le Angelina Jolie cu fale zohkhanh ti ding in biaceihnak zung ah an kal lengmang lio a si.
Jolie le Pitt cu minthang nuva an si pinah aa then ding dirhmun ah cun ruah balmi an si lo. Asinain an i then tikah vawleicung an khauruahhar dih. Jolie nih a chimmi cu 'remh awk tha loin kan hmuh ning le ruah ning aa dang tuk' a ti. Pitt nih a fapa a tuahto ning zong a tha lo tuk ti a si i, mah ruangah cun Children Department and Family Service tiang nih an hlathlai.
FBI tiang nih a case an zoh dih, asinain a sual lo tiah an case an thah than. Asinain an fale cu Jolie zohkhanhnak tangah an um i, Pitt nih zohkhanh ti ding in a hal cuahmah lio a si. Atu zong Christmas caah tel ah ka fale he um ka duh ve a ti nain suimilam 4 chung tel lawng caan an pek. Ref: The Sun.