Dictatorship uknak ram North Korea hi a si fak taktakmi a si. Asinain hriamnam leiah cun nuclear he missile he dong loin a ser i, a hneksak lengmang. Cu lioah mipi cu harsa taktak in an chiah hna i, an konglam lengah chuahter zong an onh fawn hna lo.
Media zalonnak a um lo. Mipi hmur an cipter dih hna. Cu lioah tangka tam tuk dih in inn saang pi a rak sak than. Asinain hi inn an rak thok hi a tuan cang. 1989 hrawng hmanh khan on ding in timhnak an rak ngei cang.
Asinain North Korea hawi tha a simi Soviet Union cheu-khuainak ruangah tangka thazaang in a siah a dangdang ruangah lim kho loin a um lengmang i, naite lawng in on a si. £469 million dih in Doom Inn Saang pi a vun sakmi cu khualtlung - mileng a lem ngai lai tiah a ruah.
Kim Jong-un i a pu chan lioah rak sak cangmi a si i, kum sawmthum an rau. Meter 330 tluk sang a simi skycraper cu a on cang. A meiceu zohnak in khualtlung le mileng zong an um cang ti theih khawh a si. An rak i timh ning ah cun 2000 hrawng ah khan a sak than i, Kim Il-sung chuah kum 100 tlinnak birthday ah on ding an rak ti.
Asinain an hlawh a rak tling lo. Atu cun an lim cang i, khuaruahhar in aa dawh ve. Asinain an on tlawmpal ah mipi harsatnak an vun phozar colh ve. North Korea ah kum nga minung tiang in pawcawmnak kawl in tlanglawng laam phak rian tuanmi an tam hna.
'North Korea hngakchia riantuanter ning cu a chiahru tuk hringhran' tiah European Alliance of Human Rights upa Micheal Hlendining nih a chim. Ref: The sun.