Nikhatni ah President Obama cu Israel Channel 2 TV nih biahalnak an ngeih. Kan hnu thla ah UN nih Israel ralchanh in vote a thlak lioah zeiruang ah dah veto power na hman lo tiah an hal. Obama nih a chimmi cu 'President pakhat ka si bantukin ka tuah awk a simi ka tuah ding a si' tiah a leh hna.
Israel Prime Minister Nytanyahu nih cun 'UN vote thlak cu ningzak a si.' a ti. US nih Israel hi a kan leirawi ko tiah PM Netanyahu nih a ruat maw tiah Obama cu a hal chih i, President Obama nih a lehmi cu 'A ruat lo. Fiang tein kan chimh lai. Kha bantuk biachim kha hrihhram a ngei lomi a si' a ti.
President na tuan a donghnak ah kha bantukin Israel ralchanh in UN vote thlakmi kha a tha ko na tim maw tiah an hal i, Obama nih a lehmi hna cu 'a ngaingai ti ahcun January 20 tiang President ka si lai. A hmaan tiah ka ruahmi cu ka tuah awk a si' tiah a leh hna.
Israel PM Netanyahu hi January 20 hnu cun a mitkuh a thaw deuh cang lai tiah na ruat maw tiah an hal than i, a lehmi thanmi hna cu 'January 20 in cun a mitkuh a thaw deuh cang lai maw timi hi a tha ngaimi biahalnak a si. Trump le Netanyahu pehtlaihnak zong hi buainak a um lai lo ti chim khawh a si lo tiah a leh.
Cheukhat nih cun Trump le Netanyahu karlak ah pehtlaihnak tha a um cang lai an ti, asinain an karlak pehtlaihnak hi 'trouble-free' zong a si lo khomi a si tiah Obama nih a chim. PM Netanyahu le Obama karlak pehtlaihnak cu a tluang lo taktak. Palestinian kong a siah Iran nuclear kong a siah a dangdang kong a siah Obama cungah Israel lung a tling bal lo. Ref: TOI.