1963 hrawng ah Civil Rights Leader Matin Luther King nih 'I Have A Dream' timi biachimnak a rak ngeih.
King biachim kha cheukhat nih cun 'prophetic biachim a si' an ti. A biachim a rak tha ko tuk i, minak hna hmailei biachimpiak a si a timi zong an rak um. Caan cu a vun kal i, minak nih miphun thleidannak in an luat i, democrcy zalonnak chungah an lut i United States of America President tiang an vun phan taktak.
King biachim kha cheukhat nih cun 'prophetic biachim a si' an ti. A biachim a rak tha ko tuk i, minak hna hmailei biachimpiak a si a timi zong an rak um. Caan cu a vun kal i, minak nih miphun thleidannak in an luat i, democrcy zalonnak chungah an lut i United States of America President tiang an vun phan taktak.
Minak President a tuan hmasami cu President Obama hi a si. King nih 'Mang Ka Manh' tiah a rak chimmi kha a tling taktak cang. 1963 ah a rak chim i, 2008 ah minak president a tling. Kum 45 hnuah King 'Mang Manh' a tling. America phunghram ning tein term hnih bak tein United States president a tuan. President riantuannak le president a tuan chung zoh tikah 'rualremnak' khua lawng te a khangmi a si. A lungthin kutkhar aa ongmi ram kip ah a tlawng i, rualremnak le pehtlaihnak a ser hna. Cu chungah Kawiram le Cuba an i tel. Thlennak a chuahtermi hmual an ngei ngaingai.
Obama riantuan chungah a hlawhtlin le tlin lo kha chim duhmi si loin a kal pimi policy le lam hi aa dawh zungzal. Ram pakhat kha char i ram pakhat kha thlak ti bantuk a zulmi a si lo. A si khomi le zapi huap in thil a kal kho dingmi lam aa tlaih peng. Tahchunnak ah Israel le Palestinian kongah hin a si. US President tuanbia dangdang ah cun Israel hi an runven lioah Palestinian hi an thlak deuh lengmang. Asinain President Obama chan ahcun cawithlir deuhmi ngei loin aa ruang tein lam kawlpiak a timh hna. Thleidannak ngei loin aa tlukmi lam ah umter cio kha a duhnak cem a si.
President Obama ah a um thanmi cu 'kan tuah khawh (yes, we can) timi le ruahchannak (Optimism) a ngeihmi hna hi an si. Kum riat chung President a tuan hnuah a donghnak i Farewell Biachimnak a ngeih tiang ah 'ruahchannak' a ngeihmi le 'kan tuah khawh ko' timi lungput a ngeih a tlau lo. 2008 ah campaign a tuah lioah a rak chimmi hna an si. Inn Raang a chuah tak lai tiang zong ah aa tlaih pengmi hna an si. Naite vawleicung ah upat bikmi Gallup Poll an tuah i, a pakhatnak cu President Obama a si. President Obama an rak upatnak le an rak uarnak hi a thawng chin lengmang. Vawleicung mipi zong nih a rak theih cio ko timi theih khawh a si.
Chicago i Farewell Biachimnak a ngeihmi zong ah hin a hlan i a rak kal pimi lam le policy ah a um peng. A kuaimi politics, then-khuainak, economic tluk cio um lonak le miphun thleidannak kong fak ngaiin a chim. President thimmi Trump min a chim lo nain a langhtermi cu Climate change kong ruah ngai a hauhnak a chim. Muslim American ralchanhnak zong a doh. Tihphannak kan ser chung paoh cu Democracy a him lo tinak a si tiah a chim. Trump a chim hnawhchanmi a si ko tiah an ruah. Asinain hruaitu thlennak kan tuah tikah dai tein kan umter lai. Tluang tein hruaitu thlennak ngeih khawh hi kan ram Democracy hrinhram taktak le muru cu a si a ti.
A donghnak ah a chimmi cu 'kiangkap kip in kan ram kan zoh ahcun a luan cia kum riat naak khan America hi a tha chin lengmang i a thawng chin lengmang' tiah President Obama nih a chim. Mi tluangtlam pakhat a si bantukin hawikawm zong tam tuk a ngei; mipi zong nih an uar; a donghnak i Farewell Biachimnak a ngeih ahcun a mitthli he aa ciah ve ko. United States of America le vawleicung ram hna caah rian a tuanmi theipar mitthli a si.