Kum 21 ka si i, ka tlangval hi kum 24 a si. Kan i duhnak hi thla ruk leng a si cang. Ka darling vialte lakah a tha bik le ka duh bikmi a si. A voikhatnak tlangval ka ngeihmi he kum hnih chung kan i duh, asinain lungthin vaivuan in a um lengmang i ka phiat than.
A pahnihnak ka ngeihmi cu riantuannak ah ka tonmi a si i, mi tha ngai a si. Kan kum zong aa khat. Kan duhmi le kan ziaza zong aa khat. Asinain a darling thing nih a helhhum than lengmang i, vaivuan in a um ve lengmang i, zarh ruk chung kan i duh hnuah ka phiat than. A pathumnak darling ka ngei than.
Asinain thla thum chung kan um hnuah University kar lio ngaknu he an i duh ka theih than caah ka phiat than. Atu hi a voilinak darling ka ngeih a si. Ka lungtling i, ka caah zumh awktlak le bochantlak ngai zong a si. Asinain a luan cia thla thum ah khan ka rak hlen. Ka riantuannak ka Boss he dawhcah loin kan um.
Sex cu kan tuah lo nain kan i kup i, kan i hnam lengmang. Ka hawile sin ka chim tawnmi ka darling pa nih a theih i a lungfak ngai. Asinain tha tein a ka chimhhrin i, ka ziaza kan thinh than. Ka Boss hi nupi ngei cangmi a si. Zarh thum chung ka thinh hnuah atu hi kan tlu than thiamthiam. Riantuan a dih hnu zan tlai hnu tiang kan ding kan ei ti lengmang; cuticun a donghnak ahcun kan tuah lengmang.
Hitihin cun a si kho ti lo. Zeitin dah ka tuah lai? Keimah caah a tha lo. Ka nunnak hrawktu a si lai. Ka thinh kho fawn lo, zeitin dah ka tuah lai?
Dr. Butta: na Boss pa hi na hrial cang a hau. Sex cu a nuam ko nain nun a hrawk i, khawika ti-ral hmanh a pat lomi a si. A duh caan ah an hman lengmang ko bu zong in an upat i an daw deuh hlei lai lo. A caah san na tlaih ti lo hnuah cun na duh zong duh lo zong an hlonh thiamthiam ding na si ko caah ngol zokzok.
Na tlangval pa zong a tha ko. Na tlangval ah fek tein i hngat ko. An duh ti lo hnuah cun nangmah zong naa ngaichih lai i, ngaihchihnak nih zeihmanh a chuah pi ti lai lo. Ref: TOI.