'Queen of Social media' (social media siangpahrang nu) tiah an auhmi Kim Kardashian le a pasal hmanthlak le a dangdang an chuak than. Dubai a tlawn hnu ah cun social media ah a lang ti lo; social media mit a vai ngai, asinain naite ah an i zitmuinak hmanthlak le a dang deuh a vun chuak than.
A pasal Kanye West nih aa kuh i, Kim tawk a hmeh chih lio hmanthlak a si. An i zitmui ning a tha chin lengmang. A website zong ah an tar. Kim cu a cet taktakmi cycle citnak bawngbi tawi te aa hruk. A hliah le caang vialte aa thei dih; a pasal West nih a surpiak chih len. Kim hi muidawh zong in a minthang i, a tawk zong an mitthit ngai ciomi a si.
A tuanbia hrimhrim zong hi a hot zungzalmi a si. Ray J he sex tape an tuahmi a chuah (leak) hnu hrimhrim cun social media ah ti-rawl bantukin an cang. Naite zong ah Calum Best he thlithupp pehtlaihnak an ngei peng ko rih tiah an theih hna. An minthan deuh hlan i an tleirawl lio hrawng ah aa duhmi an si.
The sun nih a luan cia kum kua hrawng i Kim Kardashian hmanthlak le Calum Best hmanthlak zeimawzat zong an vun chuah than. An rak no deuh lio a si. Calum he thlithup pehtlaihnak an ngeih lio i, ihkhun cung caan an hmannak hmanthlak a si tiah an zumh. Social median zong fak ngaiin a vun lumter than.
Paris hotel a luh hnawhtu zong minung 17 a tlaih cang hna. Pa hleili an si i, nu zong pathum an i tel. Kum 23 in 73 tiang minung an i tel. Minung pahra cu sualnak ngei an si tiah sualpuh an si i, Kim Kardashian an hramhnak zong ah aa telmi an si ko tiah police nih an zumh. Ref: the sun.
Ka Hawinu Hmai Ka Khap Ti Lo
-------------------
-------------------------