Palestinian Authority President Mahmoud Abbas nih ningani ah President thimmi Donald Trump cu America embassy hi Jerusalem ah na thial ahcun Israel le Palestianian karlak ah daihnak na rawh lai hih tiah fak ngaiin a hrocer.
Abbas nih Trump zong Palestinian rak kan tlawn law kan ram zong rak zoh tiah a sawm, asinain 'chimh kan in duhmi cu campaign lioah na chimmi Jerusalem ah emnassy thial ding timi na tuah lo hrimhrim a herh, zeicatiah na tuah ahcun na kan namneh a si lai' a ti. A thial taktak ahcun Muslim extremist hmaika ah rawl fah bantuk a si lai a timi zong an um.
Abbas nih a peh thanmi cu Jerusalem ah America embassy thial dingmi hi a tihnung tukmi a si. Kan ram pahnih karlak daihnak vialte a hrawh dih lai tiah President Abbas nih a chim than. Jerusalem in nichuah lei kam poah hi kan ram le kan khuapi a si tiah Palestinian nih an cuh vemi hna a si. Asinain Israel 1967 ah an rak chuh hna.
America nih an embassy an thial khawh takak ahcun Jerusalem cu Israel khualipi a si cang ti kha US nih a fehter cang tinak a si lai i, Israel ca zong ah hnathiang ngai a si cang lai, asinain zeitluk in dah pawngkam ram hna hi an buai te lai timi cu theih khawh cia a si ve. Jordan zong a thinhung lai; Arab ram vialte an thinhung lai.
President thimmi Donald Trump nih embassy a thial ko ahcun 'Red Line' a tan ah kan ruah lai lo. Kan ingtuar kho lai lo tiah fak ngaiin President Abbas nih chim. Asiain Trump nih a tial taktak te lai lo timi Abbas cun a zumh peng rih. Naite tiang ah khan Trump nih a tial taktak bal te lai lo timi cu a chim than. Ref: TOI.