Kum tin in tuah tawnmi US Super Bawl ah minute hleithum chung hla a sakpiak hna. Mipi nih a uar kho tuk. 'Paathian America Thluachuahnak Pe Ko' timi le "Hi Ram Cu Nan Ram A Si" timi hla a sak hrimhrim ahcun an uar tuk. Asinain cheukhat cu a paw lawngte rak zoh hna seh law a dawh ve.
Twitter in an vun sosel thluahmah. Minung pakhat nih cun 'Gaga, a thui in pei aa thui cang kha' tiah a tial. Minung pakhat nih a vun tial than i, 'Lady Gaga na paw cu tha deuh in aa tem awk a si' a ti ve. Gaga hi a minthannak dang pakhat cu a thilpuan hruk ah hin a si. Muslim ram hna nih cun 'khuachia' bantukin an ruah.
Tutan Super Bawl zong ah aa thleng hlei lo. A cunglei a tang hrawnghrang cu a tha nain a tanglei cu a chambau ngai rih. Minung a thongthong hmai i cu bantuk thilpuan he thui le, i zah ko cang ahcun soisel awk cu a tam zong a tam ko lai. Asinain fan tam tuk a ngeih ve caah an rak dirkamh cio. 'A paw ah buai ding a si lo; a hlasak ah kan buai ding tu a si deuh' a timi zong an um ve.
Nihnihni ah Lady Gaga nih a vun leh ve hna. 'ka paw kong nan ceih lenmi ka theih. Kan chimh duhmi hna cu ka pum hi kaa uar tuk. Nan pum cio kha nan i uar ding a si. Aho nan siah zeibantuk nan siah nanmah le nanmah nan i uar cio ding a si' tiah a lam lio hmanthlak a vun tarpiak lehlam hna. Nan hlawhtlinnak ding ah ahohmanh i dawnhkhanhter hrim hlah u' tiah thazaang a pek hna.
A tial thanmi cu 'Nanmah te kha si ko u. Champion si nan duh ahcun nanmah te si kha nan i zuam lengmang ding a si' a ti. A donghnak ah a fan hna cungah lunglawmhnak a chim. 'Nan ka dirkamhnak cungah kaa lawm tuk. I love you guys' tiah a bia a donghter. Ref: Dailymail.
"Pathian America Thluachuahnak Pe Ko:" Lady Gaga
----------------------------
Aa Hngilh Liomi Nu A Tuah I, Ka Hmawt Caah A Si Ko Lai A Ti
-----------------------------------