Naite ah Fox News leiin Bill O'Reilly nih President Trump biahalnak an tuah i, Russian President Putin kong an ceih chih. President Trump nih 'Putin cu a ram hruaitu pakhat dirhmun in ka upatmi a si' tiah a chim, asinain Bill O'Reilly nih cun 'Putin cu lainawng pei a si' tiah Trump cu bia a hal pah in a ti.
A luan cia Putin tuanbia zoh tikah human rights kongah a thangchia i, Putin kut in minung a thimi an tam ngai. Nawlngeihnak vialte hi a kut in aa hum dih tikah dohtu party zong nih an ceih lo. Cucaah Putin cu Nitlak ram nih cun an uar lo ngaimi a si. Bill O'Reilly zong nih 'Putin cu lainawng pei a si cu' tiah Trump a tinak a si.
Trump nih cun 'kan ram zong a sual ve lo maw? Kan ram hi sualnak a tuah lo ah maw na ruah' tiah Bill O'Reilly lehlam cu a hal chin. Bill O'Reilly biachimmi nih Putin cozah (Kremlin) a thinhunter ngai hna. Ngaihthiam kan hal hna seh an vun ti colh.
'Fox News nih hi bantuk bia an chimmi cu cohlan awk zong a tha lo, midang cungah zeirel lonak biachim a si. Kha bantuk upatmi TV company (fox news) nih ngaihthiam a kan hal awk a si' tiah Russian President Putin biachimtu Dmitry Peskov nih nikhatni conference an tuahnak i reporttu hna sinah a chim.
Republican upat cheukhat nih President Trump zong an vun mawchiat. US le Putin tuahsernak hi tahchun awk a tha lomi a si an ti. Senate majority leader Mitch McConnell nih cun Putin tham cu KGB sungthoh thing zong a si i, misual bantuk pei a si ko cu. US he tahchun tlak zong a si lo' a ti. Ref: VOA News.
"Iran Hi Vawlei Caah Ral A Si:" Israel PM Netanyahu Le British PM May
-----------------------------