Zantim pi ah a tho i, a lu a fak tuk. Vuidang tawn lu fah he aa lo ti lo. Sizung an kal i, doctor nih a lu ruh chung in philh a nung liomi an chuahpiak khawh. India, Chennai khua lengah a ummi a si i, kum 42 a si cang. Ka luhfah ning a hmaan lo a ti cangka in Stanley Medical College ah an kal.
A lu a fak lengmang. Thawchuah zong aa harh tuk. A lu fahnak le a thawchuah khawh lonak cu doctor te nih Endocopy nih an chek. A voikhatnak ah cun zeihmanh an hmu lo. A zoh than i a hnuah thilnung ke bantuk an hmu. Sizung i hnakhaw, hnaar, hrom leiah tuanvo ngeitu M.N Sankhan a chimmi cu 'a voikhatnak ah cun zeidah a si timi kan thei lo; a ti.
'Duhsah tein kan dawh ziahmah i kan chuah khawh' tiah CNN ah a chim. Minute 45 hrawng an rauh hnuah an chuah khawh. An chuah khawh tiang ah a nung rih. Lemah pakhat hrawng a sau. A lu ruh chungah suimilam 12 hrawng a rak um cang. A thawchuah zong a phih deng cang. A hnar kua chung in a rak lut i, a lu thlung deng tiang a va phan. A hnar le a thluak aa thennak hmun a si cang.
Cu bantuk thil cu ka ton bal lomi thil a si lo tiah Doctor Sankhar nih a chim. A tihnung tuk hringhran. Mi nu a lu chungah khan phihlip kha um peng seh law a thi kho lai. A zawtnak kha a chunglei ah karh lai i a nunnak a hloh lai tiah a chim chih. Doctor nih sizung ah rungrul le thopaw cu kan chuah ko, asinain kan vui khat tonmi a si a ti. Ref: CNN.
A Muidawh Te He Zeiruangah Dah Amah Le Amah Aa Thah?
-------------------------------------------