Vice President Mike Pence nih Iran kong fak ngaiin a chim than. Munich Security Conference i bia a chimnak ah Iran nuclear kong a chim chih. Iran nuclear hnatlaknak an tuahmi nih Iran laam kau tuk in a onpiak hna i, tapung bawmhnak leiah thazaang fak chin lengmang in an chuah a ti.
'Iran nih a nuclear hriamnam in Israel hi kan hrocer hrimhrim lai. Israel himnak caah Washington nih fak piin a hmai aa thlak lengmang lai. Iran hi vawleicung ah tapung a dirkamh cemmi a si. Middle East a buaiter lengmang tu zong a si tiah a chim chih.
'Fiang tein ka chimh hna, President Trump cozah tangah cun Iran nih nuclear hriamnam hrim a ser lai lo. Kan ram zong kan i hrocerter lai lo; kan hawile zong kan hrocerter hna lai lo; a hleiin Israel hrimhrim kan hrocerter lai lo' tiah fak ngaiin Vice President Pence nih a chim.
Pence nih NATO kong zong fiang ngai le lunghrinh awk um loin a chim cang. US nih NATO a dirpi peng ko lai. 'US hi nan hawi tha bik a si peng ko lai. President Trump a siah kan mipi a siah NATO an dirpi peng ko lai a ti.
Asinain tangka kong belte ahcun US thilrit nan kan chawn ngai a hai ko lai tiah bia a tiamh ve hna. Russia kong zong a chim chih. Russia he pehtlaihnak tha kan ngeih khawhnak ding ah lam kan kawl peng ko lai, asinain a tuahsernak bantukin a tuar ko lai a ti. Ref: TOI.
Messi Le A Darling Antonella Roccuzzo An Um Cang Lai
-------------------------------------
-------------------------------------