Barcelona star bawlung chuih thiam Lionel Messi le a darling Antonella Roccuzzo cu thitumnak puai an tuah cang lai. Antonella Roccuzzo he hin caan pi an i duh cang. Hmun hnih ah thitumnak puai tuah ding in timhnak zong an ngei.
Argentina, Rosario khua i an inn ah thitumnak puai an tuah lai i, a rak tel pi kho lomi hna caah cun a voihnihnak puai an tuah rih lai. A voihnihnak thitumnak cu Spain i Catalonia ah a si lai. Thitumnak puai an tuah ni khi kum 30 a tlin ni zong a si lai. June 24 khi kum 30 a tlin ni a si.
Argentina ah an tuah dingmi puai ah hin hawileng 600 hrawng an si lai. Ti le rawl kongah tuanvo ngeitu hna cu Catalan company an si lai. 2014 i Carles Puyol puai lio zong tuanvo latu an rak si. Barcelona team zong tling tein an puai ah tel ding in timhnak an ngei.
Argentina ah a rak phan kho lomi hna caah Spain a voihnihnak puai an tuah than lai. Argentina i thitumnak puai an tuahnak ding cu Rosario Cathedral ah a si lai. Messi le Antonella Roccuzzo hi an hngakchiat in aa kawm i, aa duh cangmi an si. Fapa pahnih - Thiago le Mateo - an ngei cang. Ref: The sun.
Russia Nih US He Pehtlaihnak Kong Zeitin Dah A Chim Ve?
----------------------------------