Republican upa leiin President zong a rak i cuhmi bochan ngaimi Florida Senator Marco Rubio nih President Trump cu a thawh i, 'North Korea hruaitu mi molh pa khamnak ding caah cun US nih a herhmi paoh a tuah a hau ko cang' tiah a forh cang.
A chim thanmi cu 'intercontinental ballistic missile (ICBM) in North Korea nih a kan kah hlanah kanmah nih kan kah hmasa a hau. Kim Jong-un khamhnak ding caah cun zei bantuk paoh kan tuah a hau ko. Nuclear hriamnam a ser khawh hnu i, US a kan kah tikah cun kan tlai cang' lai a ti.
US Secretary of Homeland Security John Kelly nih a chimmi cu President Trump term khatnak chungah North Korea nih US kah khawhnak nuclear thazaang a ngei cang lai. Kum hnih-thum hlei an rau ti lai lo a ti. North Korea nih US a kap khomi missile le nuclear ser hi aa zuang lengmangmi a si.
US kap khomi missile le nuclear thazaang a ngeih hnuah cun North Korea hi US kah ding in aacongawr ti lai lo. Hriamnam a ngeih dingmi hi US caah cun ruah ngam dingmi a si lo. US caah tihnung taktak a si ko a ti.
UN ah US Ambassador thing a simi John Bolton nih a chimmi cu 'North Korea nih US hi harnak a kan pek te ko lai. A rau lem ti lai lo. Kan caah harnak pek ding in thazaang a ngei colh te ko lai. Cucaah ralkap tlangtlak hi kan i thim colh ding a si ko' tiah a chim. Ref: The Express.