US leiah na tan ahcun nangmah zong nih na tuar lai tiah North Korea nih Taluk zong an vun phomh cang hna. 'Nan kan huatnak cawlcangh hi kan in zoh sawhsawh kho hna lai' lo tiah North Korea cozah nih Korean Central News Agency (KCNA) hmang in Taluk cozah sinah bia an chah hna.
President Trump cawlcangh thalo hi nan doh i nan kham hna lo tiah North Korea cozah nih Taluk cozah cu fak ngaiin an mawhchiat hna. US cozah nih dantatnak phunphun in harsatnak a kan pekmi hi nan sawhsawh lengmang hna. Anmah tu lehlem nan tanh hna i kanmah tu sipuaizi phih ding in nan kan hrocer an ti hna.
Taluk hi North Korea hawi tha zungzal a si i, chawlehthalnak zong ah hawikawm zungzal an si. North Korea cozah nih an chimmi cu 'US nih kan rili ah an nawlngeihnak an vun langhter i raltuknak tlang tiang tiang kan phan cang asinain bia kaa khat hmanh zong in nan ca hna lo' an ti.
'North Korea hi sipuaizi nan kan phih i, US duhnak nan laampiak hna ahcun North Korea kong nan i ruah palh taktak tinak a si lai. Kan ral hna nih cun an lawmh pi ngai ko hna lai. Asinain tuar ding in i tim cia ve ko u' tiah Taluk cu an phomh ve cang hna. Ref: The sun.