US President thing Obama cu Germany ah a tlawng. Nilini ah German hruaitu Angela Merkel he mipi hmaiah an rak chuak i an conglawmh ning hna a ropui kho tuk. 'Merkel hi President ka tuan chungah ka uar ngaimi ka hawi a si' tiah a chim.
Protestant Reformation kum 500 a tlinnak conglawmhnak puai an tuahnak ah an rak kai ve hna. Tha tuk in sniper, helicopter le ralkap nih an congh hna. President thing Obama zong bia a chim i Merkhel thangthatnak a chim len.
President a tuan lio kong zong a chim len hna. Zeitluk in dah Angela Merkel he democracy kan runven i human rights kan dirkamh tiah fak ngaiin a chim. President Trump zong a min in a chim lo nain a biaam in a phomh len.
'Midang he kan i hlat awk a si lo. Vampang phen ah aa thuk ding kan si lo. Lengah kan chuah i hawi he pehtlaihnak kan ngeih a hau. Kan ram himnak caah hin ramdang he pehtlaihnak ngeih a herh tuk' tiah a chim. Mipi lung a tling tuk i an kutbengh a tur in an tur hna.
Obama nih a chimmi cu 'kan vawlei ah miphun tanhnak (Nationalism) a tho than cang. Kan kham lo ahcun human rights buarnak le democracy namneh zong a tam chin lengmang lai' tiah a chim. Protestant Conference ah a rak tel pimi hna a si. Ref: VOA News.