UK ah ISIS riantuannak a thawng ngai cang tiah bom an phuah hnu in thil thar an hmuh chin lengmang. Bom a puahtu unau pa zong an tlaih i ISIS he pehtlaihnak a ngei ti a si i, a dangdang zong an um len rih hna ti a si.
British Special ralkap zong ISIS pawl phomh hna ding in UK lam kip ah an thlah cang hna. British Special ralkap hi Israel commando ralkap bantukin a thiam i a mak taktakmi an si. UK ah ISIS netword a thawng ngai cang timi an theih hnuah SAS zong ISIS doh ding in an hman cang hna.
Bompuahnak a chuah i minung 22 an thih hnu zong ah ISIS umnak inn a si ko tiah lunghrinhmi inn tbk ah an va luh hnawh than hna. Granby Row i Granby House pawng ah SAS ralkap pakhat an hmuh. An raltuknak hriamnam le thuam he lamkam ah a dir.
Minung 4,000 hrawng UK lam kip ah an um cang hna. Tapung cawlcanghnak a um ahcun phomh colh ding in nawlpek le timh an si. Defence Secretary Sir Michael Fallon nih a chimmi cu 'atu cun kan ralkap timh cia in kan chiah dih cang' tiah a chim. Ref: The sun.