Wembley Stadium ah April 29, nirukni ah boxing thongh thiam bakmi Britian Anthony Joshua 27, le Ukranian Wladimir Klitschko 41, an i thong. Minthang boxing thongh thiam Mike Tyson nih a zoh lengmang tikah Joshua hi a rak uar tuk. Uar lo awk hrim a rak tha lo.
Klitschko nih round ruknak ah Joshua cu a thongh i aa theng bak ko. Asinain aa thengh hnuah i a thawh than khawhmi hrimhrim nih Mike Tyson a khuaruahharter tuk. 2002 ah Lennox Lewis le Mike Tyson an rak i thongh lio bantuk bak an si. Tyson a rak sung. Boxing thonghnak ah amak cem an si lai a ti.
'Kha i a thongh ah khan a tho kho ding a si ti lo. Mi tam deuh cu kha bantukin an phomh hna tikah an tho kho thai ti lo. An thawh than khawh hmanh ah an lungthin a zor dih cang, asinain Joshua cu a tho than i a hrim than kho.
A thawh kaa ahcun a lung zong a mit dih, asinain kum note a si i, voi 18, 19 hrawng te aa thong rihmi nih a ti tha tuk hringhran tiah minthang Mike Tyson nih a chim in a chim kho lo. Round hleikhatnak in knockout bak in a phomh. IBF taisawm zong a co than i WBA title zong a co.
Boxing thongh thiam Sugar Ray Leonard nih twitter in a tialmi cu 'a thiam bak vevemi thongh cu khuaruahhar si ko. An lungthin taktak in an i thong. Biahal ding tampi kan ngeihmi Anthony Joshuah nih a kan leh dih cang' a ti. Joshua caah ruahchannak a lian chin lengmang ti theo a si lai.
Anthony Joshua hi 2012 ah Olympic boxing thongh zuamnak ah pakhatnak a rak hmuh cang. Voi hleikua aa thong cang i an tei rih lo. Voi hleikua ning tein knockouts in a phomh hna. "Joshua caah cun van khi a ri a si ko' tiah Tyson nih a chim. Khuaruahhar minung pakhat a si a ti.