President thimmi Donald Trump le Melania cu Biakinn ah Khrihfabu he Christmas caan sunglawi an hman i, kan bawipa Jesuh Khrih an conglawmh lioah President Barack Obama le fanu le cu 'Escape Room' timi lentecelhnak ah an i nuam.
President Obama cu a fanu le Sasah le malia le hawikawm hna hi Hawaii i Breakout Waikiki ah Christmas caan ah an leng i, an va i nuam. Breakout Waikiki i General manager MacGregor Greenlee nih a chimmi cu 'Obama aa nuam cem' a ti. 'Au le khuan lawng te an rian ko' tiah a chim chih.
An lentecelhmi hi inn chung ah luh i, lengah chuahnak lam kawl tbk phun hna an si i, a nuam ngaimi lentecelh phun khat a si. Minute caan chungah leng chuahnak lam kawl khawh le chuah khawh kha a si. Tourist zong an tam i, mileng zong an tam peng.
'Hi lentecelhnak ah hin thluak zong hman a hau, Vikvak that ngai zong a hau i, a caan chungah cawlcangh khawh le thiam zong a herh ngaimi a si' tiah Greenlee nih a chim chih. Suimilam pakhat le a cheu chung an i nuamh hnuah President Obama le a fanu le cu an duh cemmi ice an ei i, an lawi hna. Ref: TNYP.